Ma'lumot ko'p, lekin tarqoq
Hoffen avtokimyo mahsulotlarini ishlab chiqaradi va savdo agentlari orqali do'konlarga tarqatadi. Ish ma'lumoti bir nechta tizimda yashaydi: savdo, tashrif, qarz va to'lovlar — biri, ishlab chiqarish va ombor — boshqasi, mashinalar harakati — GPS'da.
Rahbar va xodimlar kerakli raqamni topish uchun har bir tizimga alohida kirishi, hisobotlarni qo'lda yig'ishi kerak edi. Savdo agentlarining intizomi — kim qayerga bordi, kim kech boshladi — ham qo'lda tekshirilardi.
Bitta baza va Telegram'dagi AI agentlar
Tezcode qurgan tizim barcha manbalardan ma'lumotni bitta bazaga tortadi va rahbar hamda xodimlarga Telegram orqali hisobot beradi. Har bir yo'nalish uchun alohida AI agent bor: unga oddiy tilda yoki ovozli xabar bilan savol berish mumkin.
Har kuni 80 dan ortiq rejalashtirilgan ish ishlaydi: ertalabki hisobotlar, yangi nakladnoylar haqida xabar, xarajatlarni yozish, xodim auditi va kerak bo'lsa rahbarga eskalatsiya, qarzdorlarga SMS va kun yakunida tizimning o'zini o'zi tekshirishi. Ularning ko'pi oddiy skript — arzon va har safar bir xil natija. AI faqat odam bilan suhbat kerak bo'lgan joyda ishlatiladi.
7 ta agent va ularning vazifasi
Kotib
Rahbarning asosiy yordamchisi: kundalik savollar, hisobotlar, eslatmalar. Boshqa agentlardan ma'lumot yig'adi.
Auditor
Savdo agentlari intizomi: tashriflar, kech boshlash, marshrutdan chetlanish. Avtomatik jarima yozmaydi — xodimdan sababini so'raydi.
Ombor
Qoldiq, buyurtmalar, defitsit va ishlab chiqarish rejasi.
Moliyachi
Qarzdorlik, to'lovlar, muddati o'tgan summalar va xarajatlar. Pul o'tkazmaydi — faqat ko'rsatadi va ogohlantiradi.
HR
Vakansiya va ideal nomzod portreti, nomzodlarni ball va sababi bilan baholash, suhbat yozuvini tahlil qilish.
Supervayzer
Savdo, plan, tashriflar, nofaol mijozlar va qarz bo'yicha savollar — faqat o'qiydi.
Nomzod boti
Ishga kirmoqchi bo'lgan odam bilan anketani to'ldiradi va natijani HR'ga yuboradi.
Xavfsizlik qoidalari
- Agent raqamni o'ylab topmaydi — bazada bo'lmasa, "ma'lumot yo'q" deydi.
- Agent o'zidan hech kimga yozmaydi va qaror qabul qilmaydi — faqat tayyorlaydi, qarorni odam qiladi.
- Savdo tizimiga yozish faqat mas'ul odamning aniq tasdig'idan keyin; o'chirish imkoniyati yo'q.
- Parol va kalitlar chatga hech qachon chiqmaydi.
Loyiha bosqichlari
Ma'lumotlarni bir joyga yig'ish
Savdo, ombor, ishlab chiqarish va GPS tizimlaridan ma'lumot bitta bazaga ulandi.
7 ta AI agent ishga tushdi
Kotib, auditor, ombor, moliya, HR, supervayzer va nomzod botlari Telegram'da ishlay boshladi.
Barqarorlik va savdo direktori agenti
Tizimni to'xtashsiz ishlatish ustida ish ketmoqda; daromad qayerda yo'qolayotganini ko'rsatadigan savdo direktori (CRO) agenti qurildi.
C-level agentlar
Moliya, strategiya, marketing va mahsulot agentlari hamda rahbarga haftalik bir sahifalik umumiy hisobot — fokus savdo o'sishida.